ហេតុអ្វីបានជាសង្គមឲ្យតម្លៃស្រ្តីលើព្រហ្មចារីយ៍ និងសន្ទះព្រហ្មចារីយ៍?

- November 15, 2015

For the English version, click here.

តាំងពីខ្ញុំនៅក្មេងមក សង្គមបានបង្រៀនខ្ញុំថា កើតមកជាមនុស្សស្រី តម្លៃរបស់ខ្ញុំគឺស្ថិតនៅលើភាពបរិសុទ្ធ ឬព្រហ្មចារីយ៍របស់ខ្ញុំ (ឬព្រហ្មចារីនី, according to my professor)។ «មនុស្សស្រី តែអស់ហ្ស៊ីន ឬអស់ព្រហ្មចារីយ៍ ដឹងតែចប់ហើយ»។ ឃ្លានេះ ខ្ញុំធ្លាប់បានលឺច្រើនលើកច្រើនសាចេញពីមាត់មនុស្សមិនថា ស្រី ឬប្រុសទេ។ គេថា មនុស្សស្រីដែលអស់ព្រហ្មចារីយ៍មុនរៀបការ គឺធ្វើឲ្យអាប់ឱនកិត្តិយសគ្រួសារ ខូចប្រពៃណីវប្បធម៌ ហើយអ្នកខ្លះគឹថាមនុស្សស្រីនោះជាមនុស្ស «អាស់» ឬ «អស់សាច់»។ សតវត្សទី២១នេះទៅហើយ ទោះជាប្រទេសមួយជឿនលឿនប៉ុណ្ណាក៏ដោយ ក៏នៅតែមានមនុស្សមួយចំនួនដែលឲ្យតម្លៃមនុស្សស្រីតាមរយៈព្រហ្មចារីយ៍នេះដែរ។

និយមន័យទូទៅរបស់ពាក្យ «ព្រហ្មចារីយ៍» គឺការដែលមិនធ្លាប់រួមភេទពីមុនមក (the state of never having had sexual intercourse)។ ប៉ុន្តែបើយើងគិតមកវិញ «ការមិនធ្លាប់រួមភេទ» តែអ្វីជាការមិនធ្លាប់រួមភេទ? តើមនុស្សស្រីដែលធ្លាប់តែរួមភេទតាមរន្ធគូទ អាចចាត់ទុកថាជាមនុស្សស្រីអស់ព្រហ្មចារីយ៍ដែរឬទេ? ចុះមនុស្សស្រីដែលរួមភេទជាមួយនឹងដៃគូតាមមាត់? ចុះបើប្រើម្រាមដៃ? ចុះការប្រើប្រាស់ឧបករណ៍ជំនួយ? អាចទៅរួចទេ ដែលនិយាយថាមនុស្សស្រីម្នាក់អស់ព្រហ្មចារីយ៍ជាមួយនឹងលិង្គសប្បនិមិត្ត ឬឧបករណ៍ជំនួយ? អ្នកខ្លះទៀតនិយាយថា ទាល់តែមនុស្សប្រុសម្នាក់ដាក់ប្រដាប់ភេទរបស់ខ្លួនចូលទៅក្នុងប្រដាប់ភេទរបស់មនុស្សស្រី ទើបមនុស្សស្រីនោះអស់ព្រហ្មចារីយ៍។ ចុះមនុស្សស្រីដែលស្រឡាញ់ភេទដូចគ្នា? បើពួកគាត់មិនមានលិង្គផង តើមានន័យថាគាត់នឹងនៅតែមានព្រហ្មចារីយ៍មួយជីវិតរបស់គាត់ឬ? ចុះមនុស្សប្រុសដែលស្រឡាញ់ភេទដូចគ្នាវិញ? តែបើនិយាយចុះនិយាយឡើងទៅ អ្នកខ្លះគេថា ព្រហ្មចារីភាពរបស់មនុស្សស្រីគឺត្រូវបានកំណត់ដោយសន្ទះព្រហ្មចារីយ៍។

ប្រភេទសន្ទះព្រហ្មចារីយ៍ Credit: soc.ucsb.edu

បើនិយាយពីសន្ទះព្រហ្មចារីយ៍វិញ មនុស្សភាគច្រើនគឺមិនស្គាល់ទេ ថាវាជាអ្វីឲ្យប្រាកដ។ សន្ទះព្រហ្មចារីយ៍ គឺជាសន្ទះស្បែកស្តើងមួយ ដែលនៅខាងក្នុងប្រដាប់ភេទរបស់មនុស្សស្រី គឺប្រហែលជា១ទៅ២សង់ទីម៉ែត្រពីមាត់ប្រដាប់ភេទ។ សន្ទះស្បែកនេះ ចាប់ផ្តើមកកើតឡើងបន្ទាប់ពីប្រដាប់ភេទ ក្នុងកំឡុងពេលដែលគភ៌កំពុងតែលូតលាស់ប្រដាប់ភេទ គឺពីសប្តាហ៍ទី៣ទៅត្រីមាសទីពីរ។ ស្ទើរតែមនុស្សទាំងអស់ដែលខ្ញុំធ្លាប់ជួប គឺមិនដឹងទេថា សន្ទះព្រហ្មចារីយ៍មិនមែនជាសន្ទះស្បែកមួយដែលគ្របប្រដាប់ភេទជិត ដូចស្គរនោះទេ។ សន្ទះព្រហ្មចារីយ៍ ជាធម្មតាគឺមានប្រហោង ដើម្បីឲ្យឈាមរដូវហូរចេញបាន។ បើមនុស្សស្រីមានសន្ទះព្រហ្មចារីយ៍ដែលគ្របបិតជិត វាជាបញ្ហាសុខភាពមួយ ដែលគាត់ត្រូវតែទៅពេទ្យដើម្បីពិនិត្យ ព្រោះវាអាចធ្វើឲ្យកកស្ទះឈាមរដូវរបស់គាត់។ សន្ទះនេះមានលក្ខណៈយឺត តែវាក៏អាចដាច់រលាត់ក្នុងពេលហាត់កីឡា ធ្វើការធ្ងន់ សម្រេចផ្លូវភេទដោយខ្លួនឯង ឬរួមភេទ។

ខ្ញុំធ្លាប់ឃើញក្នុងរឿង ហើយក៏ធ្លាប់លឺគេនិយាយថា ក្នុងយប់ផ្សំដំណេក មនុស្សប្រុស គាត់ដាក់កន្សែងសមួយនៅពីក្រោមមនុស្សស្រីពេលដែលរួមភេទ។ បើក្រោយពេលដែលរួមភេទហើយ កន្សែងនោះមានឈាម មានន័យថាមនុស្សស្រីម្នាក់នោះគឺជាមនុស្សស្រី «បរិសុទ្ធ»។ ដូចខ្ញុំនិយាយមិញអ៊ីចឹង សន្ទះព្រហ្មចារីយ៍អាចដាច់រលាត់គ្រប់ពេល ហើយបើតាមការស្រាវជ្រាវ (Links below) មានមនុស្សតែ៤៣%តែប៉ុណ្ណោះដែលធ្លាក់ឈាមក្រោយការរួមភេទលើកទីមួយ។ តើហេតុអ្វីបានជាពួកគាត់ធ្លាក់ឈាម បើសន្ទះព្រហ្មចារីយ៍មានប្រហោងស្រាប់ទៅហើយ? វាមកពីការរួមភេទនោះផ្ទាល់។ ការរួមភេទដែលមិនមានទឹករំអិលគ្រប់គ្រាន់ ឬខ្លាំងពេក អាចបណ្តាលឲ្យសន្ទះនោះដាច់រលាត់ ដែលនាំឲ្យមនុស្សស្រីមានការឈឺចាប់ ឬហូរឈាម។ អ៊ឹចឹងបើអ្នករួមភេទជាមួយនឹងមនុស្សស្រី ហើយគាត់មានចេញឈាម នោះវាមកពីអ្នកមិនបានរួមភេទឲ្យបានត្រឹមត្រូវ។ It’s nothing to be proud of.

បើនិយាយពីលក្ខណៈជីវសាស្រ្តវិញ សន្ទះព្រហ្មចារីយ៍គឺសឹងតែមិនមានប្រយោជន៍អ្វីទាល់តែសោះ។ មានទ្រឹស្តីមួយចំនួនបានលើកឡើងថា សន្ទះព្រហ្មចារីយ៍ប្រហែលជាមានតួនាទីការពារកុំឲ្យមេរោគចូលទៅក្នុងប្រដាប់ភេទគភ៌ពេលដែលនៅក្នុងពោះម្តាយ។ ប៉ុន្តែបើនិយាយពីសង្គមវិញ សន្ទះស្បែកមួយដែលសឹងតែគ្មានប្រយោជន៍ទាល់តែសោះនេះ បែរជាត្រូវបានឲ្យតម្លៃអាចនឹងជាងជីវិតរបស់មនុស្សម្នាក់ទៅទៀត។ មានករណីច្រើនណាស់ ដែលមនុស្សស្រីត្រូវបានគ្រួសារបោះបង់ចោល ឬអ្នកភូមិសម្លាប់ដោយសារតែគេគិតថានាងអស់ព្រហ្មចារីយ៍។ តែបើមនុស្សស្រីដដែលនោះពិការដៃ ឬបាត់បង់អវៈយីវៈផ្សេងដែលមានប្រយោជន៍ ចាំបាច់ក្នុងជីវិតប្រចាំថ្ងៃ តើពួកគេនឹងធ្វើបែបនោះដាក់គាត់ដែរទេ? ហេតុអ្វីបានជាមានផ្នត់គំនិតនេះឡើង? ហើយហេតុអ្វីបានជាវាពាក់ព័ន្ធតែជាមួយនឹងមនុស្សស្រីទៅវិញ?

គេថា ប្រវត្តិសាស្រ្តគឺត្រូវបានសរសេរដោយមនុស្សប្រុស។ ច្បាប់ទម្លាប់ដែលយើងមានសព្វថ្ងៃ ភាគច្រើនគឺត្រូវបានបង្កើតឡើងដោយមនុស្សប្រុស។ បើនិយាយពីមូលហេតុដែលធ្វើឲ្យមានផ្នត់គំនិតនេះឡើង យើងត្រូវងាកទៅមើលសម័យកាលពេលដែលមនុស្សចាប់ផ្តើមបង្កើតជាសង្គមដំបូង។ បើតាមសៀវភៅរបស់ Hanne Blank, “Virgin: An Untouched History” នៅកំឡុងពីឆ្នាំ៨៥០០ទៅ២៦០០មុនគ្រឹស្តសករាជ្យ (ដែលគេហៅថាសម័យ Neolithic Era) មនុស្សចាប់ផ្តើមចេះបែងចែកកម្មសិទ្ធិផ្ទាល់ខ្លួន ដូចជាផ្ទះសម្បែង ក្រុមគ្រួសារ ឬមនុស្សស្រីរបស់ពួកគេ។ យើងដឹងហើយថា តួនាទីរបស់វត្ថុមានជីវិតទាំងអស់នៅលើលោក (រាប់បញ្ចូលទាំងមនុស្សផងនោះ) គឺបង្តើតកូនដើម្បីតពូជ។ អ្នកវិទ្យាសាស្រ្តចាត់ទុកមនុស្សចូលទៅជា “K-strategists” មានន័យថាមនុស្សអាចមានកូនចំនួនតិចក្នុងមួយជីវិត ហើយការមានកូននោះ គឺត្រូវចំណាយពេលវេលាច្រើន។ ហេតុនេះហើយ មនុស្សប្រុសត្រូវប្រាកដថា កូនដែល «មនុស្សស្រីរបស់គេ» បានបង្កើតនោះ គឺជាកូនរបស់គេមែន។

ដើម្បីធ្វើបែបនេះបាន សង្គមបានចាប់ផ្តើមដាក់គំនាបដល់ជីវិតផ្លូវភេទមនុស្សស្រី ដោយប្តី ឬមនុស្សប្រុសរបស់នាងត្រូវតែជាមនុស្សប្រុសតែមួយគត់ដែលនាងរួមភេទជាមួយ។ តែដើម្បីឲ្យមនុស្សប្រុសអាចមានឱកាសបន្តពូជបានច្រើន សង្គមបែរជាមើលឃើញថា មនុស្សប្រុសដែលមាន

Credit: whisper.sh

ស្រីច្រើន ធ្លាប់រួមភេទបានច្រើន ថាជាមនុស្សប្រុសដែលពូកែ។ បើសត្វវិញ ឧទាហរណ៍ពេលដែលខ្លាឈ្មោលធំជាងគេក្នុងហ្វូងបានស្លាប់ (Alpha Male) នោះនឹងមានខ្លាមួយថ្មីមកស្នងតំណែង តែខ្លាថ្មីនោះ ភាគច្រើននឹងទៅសម្លាប់កូនរបស់ខ្លាចាស់ដែលបានស្លាប់ ព្រោះខ្លាថ្មីនោះត្រូវធ្វើបែបណាដើម្បីឲ្យកូនរបស់វារីកលូតលាស់ដើម្បីបន្តពូជទៅមុខទៀត។

ប៉ុន្តែបើយើងមើលមកវិញ ផ្នត់គំនិតបែបនេះមិនអាចប្រើការបានទៀត ព្រោះយើងអាចធ្វើតែស្ត DNA ដើម្បីមើលថា តើកូនរបស់មនុស្សស្រីនោះជាកូនរបស់អ្នកណា ហើយពេលដែលរួមភេទ យើងក៏មានស្រោមអនាម័យ ឬវិធីផ្សេងៗដើម្បីបង្ការកុំឲ្យមានផ្ទៃពោះដែរ។ តែទោះបែបនេះក៏ដោយ ហេតុអ្វីបានជាសង្គមនៅតែបន្តផ្នត់គំនិតបែបនេះ? តើវានៅតែជួយបន្តបម្រើផលប្រយោជន៍ដល់យើងយ៉ាងណា ក្រៅពីដាក់សម្ពាធដល់មនុស្សស្រី? ច្បាប់ចែងថា ស្រ្តីមានសិទ្ធិស្មើបុរស ប៉ុន្តែសង្គមមិនថាដូច្នេះទេ។ មនុស្សស្រីមិនគួរដើរហើរពេលយប់ មិនគួរមានសង្សារ មិនគួរផឹកគ្រឿងស្រវឹង ឬមិនគួរស្និទ្ធិស្នាលនឹងបុរស។ មូលហេតុគឺមកពីគេខ្លាចថា ស្រ្តីនោះនឹងទៅរួមភេទ ហើយ «អត់ក្រមុំឲ្យប្តី»។

មានដែលគិតទេថា វប្បធម៌នេះកំពុងតែឲ្យតម្លៃមនុស្សស្រីស្មើនឹងទំនិញ? ទំនិញដែលថ្លៃ ភាគច្រើនគឺជាទំនិញដែល «ថ្មី ទើបនឹងយកពីឃ្លាំង មិនទាន់បានបើក» មែនទេ? ចុះមនុស្សវិញស្រី? ទាល់តែមនុស្សស្រីដែលមិនធ្លាប់បានថើប ប៉ះ ឬរូមភេទបានជាមនុស្សស្រីនោះមានតម្លៃត្រូវទេ? តើខុសអ្វីពីទំនិញ?

ការធ្វើបែបនេះ គឺធ្វើឲ្យមនុស្សស្រីលែងឲ្យតម្លៃដល់ខ្លួនឯង តែបែរជាពឹងផ្អែកលើអ្នកដទៃដើម្បីឲ្យតម្លៃនាងទៅវិញ។ នាងចាប់ផ្តើមយល់ថា ការរូមភេទជារឿងមួយដែលខុស គួរឲ្យខ្មាស់អៀន ឬជារឿងមួយដែលធ្វើឲ្យអាប់ឱនកិត្តិយស។ នេះហើយបានជាមនុស្សស្រីជាច្រើនមិនអាចបង្ហាញពីអារម្មណ៍ផ្លូវភេទ ឬរីករាយសប្បាយនឹងការរួមភេទដូចមនុស្សប្រុស។ នេះហើយបានជាមនុស្សស្រីមួយចំនួនធំ មិនដែលបានដល់ចំណុចកំពូលទាល់តែសោះពេលដែលពួកគាត់រួមភេទ ព្រោះគាត់គិតថាអ្វីដែលគាត់កំពុងតែធ្វើ ជារឿងមិនល្អ។ ស្រ្តីដែលបានរួមភេទជាមួយនឹងសង្សាររបស់គាត់ ពេលដែលសង្សាររបស់គាត់បែកពីគាត់ ស្រ្តីមួយចំនួនច្បាស់ជាគិតថា គាត់បានបំផ្លាញអនាគតរបស់គាត់ ហើយគាត់លែងមានតម្លៃទៀតហើយ។ ស្រ្តីខ្លះទៀត អាចដល់ទៅសម្លាប់ខ្លួនទៅទៀត។ នេះគឺមកពីផ្នត់គំនិតដែលសង្គមដាក់ឲ្យ។ សួរថា ហេតុអ្វីបានជាអស់អនាគត? សន្ទះព្រហ្មចារីយ៍គាត់ គឺនៅកន្លែងដដែលហ្នឹង គ្រាន់តែយ៉ាងច្រើនដាច់រលាត់តិចតួចទេ។ ប្រដាប់ភេទគាត់រីកធំពេលដែលគាត់កំពុងរួមភេទ តែប្រដាប់ភេទមនុស្សស្រីមានលក្ខណៈយឺត អ៊ីចឹងវាក៏អាចរួមមកវិញដែរ។ គាត់នៅតែមានខួរក្បាលដែលគាត់នៅតែអាចប្រើបាន ហើយគាត់ក៏នៅតែមានអវៈយីវៈដែលអាចប្រើបាន ដូចមុនពេលរួមភេទដែរ។

ពាក្យថា «អស់ព្រហ្មចារីយ៍» ហ្នឹង តើតាមពិតគឺអស់អ្វី? ហើយបើមនុស្សស្រីអស់ព្រហ្មចារីយ៍ពេលរួមភេទលើកដំបូង ចុះមនុស្សប្រុស? តើបើក្នុងកាលៈទេសៈដូចគ្នា តើសង្គមនឹងដាក់សម្ពាធមនុស្សប្រុស ដូចនឹងមនុស្សស្រីដែរទេ? ដែលលឺគេថា កូនប្រុសម្នាក់ហ្នឹងត្រូវឪពុកម្តាយកាត់កាលចោលដោយសារតែ «អស់ព្រហ្មចារីយ៍» ដែរអត់? តើហេតុអ្វីបានជាខុសគ្នា? មូលហេតុគឺ «ព្រោះតែវាអ៊ីចឹង» មែន? នេះខ្ញុំមិនទាន់និយាយពីស្រ្តីដែលត្រូវបានគេរំលោភផង។

Credit: anuglyhead.blogspot.com

ឧទាហរណ៍ថា មនុស្សស្រីម្នាក់ គាត់អស់ព្រហ្មចារីយ៍មុនពេលរៀបការ ប៉ុន្តែគាត់បានស្រាវជ្រាវរកឃើញថ្នាំព្យាបាលជំងឺមហារីក។ តើដោយសារតែសន្ទះស្បែកមួយនេះ អ្នកនៅតែយល់ថាគាត់អត់មានតម្លៃដែរមែន? តែបើគាត់នៅព្រហ្មចារីយ៍ តែគាត់ទៅសម្លាប់ ឬប្លន់គេ តើគាត់នៅជាមនុស្សមានកិត្តិយសឬ?

ក្នុងនាមជាមនុស្សស្រីម្នាក់ ខ្ញុំចង់ប្រាប់ថា ខ្ញុំជាមនុស្ស មានជីវិត។ ខ្ញុំចេះសប្បាយ ខ្ញុំមានតម្រូវការ ខ្ញុំមានចំណង់ ខ្ញុំមានអារម្មណ៍ដូចមនុស្សប្រុសដែរ ហើយខ្ញុំក៏អាចជួយ ហើយក៏ជាផ្នែកមួយនៃសង្គមដែរ។ អ្វីដែលខ្ញុំស្អប់បំផុត គឺពេលដែលអ្នកដទៃមកកំណត់តម្លៃឲ្យខ្ញុំ ព្រោះវាជារាងកាយរបស់ខ្ញុំ ប្រដាប់ភេទរបស់ខ្ញុំ ព្រហ្មចារីយ៍របស់ខ្ញុំ ហើយមានតែខ្ញុំទេ ដែលអាចឲ្យតម្លៃខ្លួនឯងបាន។ គេថាមនុស្សស្រីប្រៀបដូចកន្សែងស តែចុះបើខ្ញុំមិនចង់ធ្វើជាកន្សែងស? ចុះបើខ្ញុំចង់ធ្វើជាកន្សែងផ្កាឈូក ស្វាយ ឬខ្មៅវិញ? ចុះបើខ្ញុំជាកន្សែងស តែពេលខ្ញុំប្រឡាក់ ខ្ញុំយកទៅបោកនឹងសាប៊ូ Or bleach? សម្រាប់មនុស្សប្រុសវិញ តើអ្នកស្រឡាញ់គេ ឬស្រឡាញ់សន្ទះស្បែកមួយសន្ទះហ្នឹង? ល្មមដល់ពេលយើងគិតឡើងវិញហើយ តើតម្លៃរបស់យើងគួរតែស្ថិតនៅលើយើង និងសមត្ថភាពរបស់យើងឬគ្រាន់តែផ្អែកលើគំនាបដែលសង្គមបានដាក់មកលើជីវិតផ្លូវភេទរបស់យើង៕

Love, Catherine

XOXO

References:

Hanne Blank, “Virgin: An Untouched History”

https://www.youtube.com/watch?v=9qFojO8WkpA

http://www.thenakedscientists.com/forum/index.php?topic=2790.0

http://www.huffingtonpost.com/cristen-conger/sex-myth_b_1154683.html

http://www.ourbodiesourselves.org/health-info/what-exactly-is-a-hymen/

http://youngwomenshealth.org/2013/07/10/hymens/

https://en.wikipedia.org/wiki/Hymen

http://www.wellnesskliniek.com/en/genital-surgery/hymen-repair

http://goaskalice.columbia.edu/answered-questions/purpose-hymen

Comments

AnonymousNovember 15, 2015 at 10:40 AM
ិោ
ReplyDelete
Replies
AnonymousNovember 15, 2015 at 10:47 AM
សរសេរបានល្អ! ខ្ញុំគិតថាតំលៃមនុស្សម្នាក់ៗស្ថិតនៅលើអំពីដែលគេធ្វើ ចំពោះអ្នកនៅក្បែរខ្លួន និងក្នុងសង្គម ហើយរឿងគេចង់គេងជាមួយអ្នកណា ជារឿងរបស់គេ។ សំខាន់ខ្ញុំចង់អោយនារីគ្រប់រូប ធ្វើការសំរេចចិត្តអោយបានឆ្លាតវៃ ដោយ មិនទទួលការបង្ខិតបង្ខំពីអ្នកណាម្នាក់ឡើយ។
ReplyDelete
Replies
AnonymousNovember 15, 2015 at 11:15 AM
សរសេរនិងវិភាគបានល្អ!
ReplyDelete
Replies
Golden BeeNovember 15, 2015 at 5:33 PM
អត្ថបទល្អណាស់ ជាអ្វីដែលមនុស្សស្រីត្រូវការបំផុតគឺភាពស្មើរគ្នា មិនមែនរាល់មនុស្សស្រីដែលដើរលេងយប់ ផឹកគ្រឿងស្រវឹង មានមិត្តភក្តិជាបុរស ដើរលេងជាមួយមិត្តភក្តិជាបុរស សុទ្ឋតែជានារីខាតលក្ខ ឬអាវាសែទេ សំខាន់តម្លៃស្ថិតនៅលើខ្លួននាង
ReplyDelete
Replies
KhmerAngelNovember 15, 2015 at 5:54 PM
និយាយត្រូវបានល្អណាស់!! នេះគឺជាអ្វីដែលខ្ញុំតែងនិយាយប្រាប់មិត្តភ័ក្តរបស់ខ្ញុំ។ Thank goodness for this post and thank goodness for you!!
ReplyDelete
Replies
KhmerAngelNovember 15, 2015 at 5:54 PM
និយាយត្រូវបានល្អណាស់!! នេះគឺជាអ្វីដែលខ្ញុំតែងនិយាយប្រាប់មិត្តភ័ក្តរបស់ខ្ញុំ។ Thank goodness for this post and thank goodness for you!!
ReplyDelete
Replies
fewsdwdwsNovember 15, 2015 at 9:45 PM
Wow finally someone say it out!!! Thank you
ReplyDelete
Replies
UnknownNovember 15, 2015 at 10:42 PM
Good idea
ReplyDelete
Replies
UnknownNovember 15, 2015 at 11:22 PM
Aww Awesome article
ReplyDelete
Replies
UnknownNovember 15, 2015 at 11:41 PM
This comment has been removed by the author.
ReplyDelete
Replies
AfNovember 16, 2015 at 12:10 AM
អ្នកណាគេហ្នឹងមានគំនិតសរសេរល្អម្ល៉េះ? ម៉េចមិនគិតចង់បង្កើតគេហទំព័រផ្ទាល់ខ្លួនចឹង។
ReplyDelete
Replies
UnknownNovember 16, 2015 at 12:13 AM
និយាយទៅមនុស្សមានសិទ្ធដូចគ្នា មិនថាប្រុស មិនថាស្រី ប៉ុន្តែ សម្រាប់ខ្ញុំគិតថាមនុស្ស គួតែអោយតម្លៃខ្លួនអែងជាមុនសិន មិនថាប្រុស មិនថាស្រី ទេីបសង្គមអោយតម្លៃ
ReplyDelete
Replies
AnonymousNovember 16, 2015 at 12:21 AM
មនុស្សស្រី ដែលមិនធ្លាប់រួមភេទសោះគេហៅថាក្រមុំ។ ដែលធ្លាប់រួមភេទជាមួយបុរសតិចនាក់គេហៅថាមេម៉ាយ។ ដែលធ្លាប់រួមភេទជាមួយបុរសច្រើននាក់គេហៅថាសំផឹង។ វាជារឿងត្រឹមត្រូវណាស់ដែលសង្គមមនុស្ស អោយតម្លៃផ្សេងគ្នាលើមនុស្សស្រី៣ប្រភេទនេះ។ ចំពោះរឿងសន្ទះព្រហ្មចារីយ៍ បាត់បង់ឬរក្សាបានជាសិទ្ធិសេរីភាពរបស់មនុស្សស្រី។ ប៉ុន្តែសូមអ្នកដែលបណ្តោយអោយបាត់បង់ កុំទាមទារលើកតម្លៃខ្លួនស្មើនឹងអ្នកដែលគេរក្សាបាន។ សូមសាកគិតទៅមើល បើមនុស្សស្រីម្នាក់ចូលចិត្តសេរីភាពក្នុងការរួមភេទ តើគេនឹងមានលំនឹងជីវិត និងកសាងគ្រួសារម្តេចទៅ? តើស្រ្តីនោះគប្បីនឹងបុរសចុងក្រោយរបស់គេដែរឬទេ ដែលកន្លែងផ្តល់កំណើតអោយកូនរបស់ពួកគេ ធ្លាប់ត្រូវបានប្រលាក់ប្រឡូកជាមួយមនុស្សប្រុសដ៏ទៃ?
ReplyDelete
Replies
UnknownNovember 16, 2015 at 6:57 AM
មនុស្សប្រុសភាគច្រេីនមានសង្សារទាមទារការួមភេទជាមួួួួយដៃគូ ប្រេីសំដីលួងលោម គ្រប់បែបយ៉ាង។ ពេលអនាគតមិនទៀងថាអ្នកអាចរៀបការជាមួយសង្សារអ្នកនោះទេ ប៉ុន្តែអ្នកត្រូវរៀបការជាមួយនារីម្នាក់ផ្សេងទៀត ពេលនោះអ្នកនឹងគិតថា តេីនារីនឹងបរិសុទ្ធអត់? ធ្លាប់ឆ្លងកាត់មនុស្សប្រុសទេ? ព្រោះអ្វីបានអ្នកគិតបែបនេះ? ព្រោះអ្នកធ្លាប់ធ្វេីបែបនេះចំពោះសង្សាររបស់អ្នក
ReplyDelete
Replies
UnknownNovember 16, 2015 at 7:35 AM
Women are just women no matter what. Their value is not judged by their sexual decision. Because they are adults. They have their own choice. The way we treat virginity as everything does not help but just to create a very false belief that they lost everything if they lost "it".
Just in short, women are still perfect no matter what they've been through.
ReplyDelete
Replies
UnknownNovember 16, 2015 at 8:26 AM
សូមអធ្យាស្រ័យទុកជាមុនប្រសិនបើការបញ្ចេញមតិរបស់ខ្ញុំមានការប៉ះពាល់ទៅលើបងប្អូន។ ខ្ញុំបានខិតខំព្យាយាមពន្យល់ចាស់ៗនិងអ្នកភូមិរបស់ខ្ញុំអំពីផ្នត់គំនិត ខាងលើនេះដែរ តែចុងបញ្ចប់គាត់បានសួរខ្ញុំថា ប្រសិនបើប្រពន្ធក្មួយជាស្រីបំរើផ្លូវភេទ តើក្មួយព្រមយកគេធ្វើជាភរិយាទេ ឆ្លើយដោយត្រង់ គាត់បញ្ជាក់។ សូមបង ជួយបកស្រាយនូវមតិខាងលើនេះផង សូមអរគុណ។
ReplyDelete
Replies
UnknownNovember 16, 2015 at 8:55 AM
មិនថាការបកស្រាយរបស់អ្នក យ៉ាងណានោះទេ វាជាគំនិតរបស់អ្នកនឹងបទពិសោធន៍របស់អ្នក ក៍ដូចជា មនុស្សក្នុងសង្គម មួយចំនួន។ ចំពោះខ្ញុំ វិញគឺ អោយតម្លៃ ទៅលើ ប្រពៃណី វប្បធម៌ ពិសេសនោះគឺ បុគ្គលនោះផ្ទាល់ ថាគេមានប្រវត្តិ ជាមនុស្សបែបណា បច្ចុប្បន្នជាមនុស្សយ៉ាយណា នឹងគិតដល់ថ្ងៃអនាគត់។ មិនថាបុរសរឺនារី ចំពោះការស្រលាញ់ គឺសេចក្តីស្រលាញ់ដោយភាពថ្លៃថ្នូ ភាពស្មោះត្រង់ សេចក្តីល្អ ទាំងចិត្តទាំងកាយ នោះនាំអោយការស្រលាញ់ ទទួលបានសុភមង្គល ចាប់ពីស្គាល់គ្នា ដល់ថ្ងៃរៀបអាពាហ័ពិពាហ៍ ជាពិសេសរួមរសជាមួយគ្នារហូរដល់ចាស់ ស្លាប់។ មិនមែនជាមនុស្ស ចិត្តងាយ នឹងចេះតែស្រលាញ់ អ្នកនេះ រឺអ្នកនោះ នោះឡើយ ហើយប្រសិនបើមនុស្សទាំងអស់គិតតែពីធ្វើអ្វីៗតាមតែខ្លួនចង់បាន ដោយមិនបានគិតអំពីតម្លៃខ្លួន នឹងសង្គមនោះ វានាំអោយមានការបាត់បង់ នឹងខុស។
នេះគ្រាន់តែជាគំនិត នឹងយោបល់ អធ្យាស្រ័យប្រសិនបើមិនល្អ រឺខុសនូវគំនិតរបស់អ្នក។

ReplyDelete
Replies
UnknownNovember 16, 2015 at 10:59 AM
សំរាប់ខ្ញុំយល់ថាព្រហ្មចារីមិនមែនជាហេតុអាចវាយតម្លៃអ្នកណាទេ!
ផលនៃតម្លៃនោះអាស្រ័យលើការប្រព្រឹត្តអោយឃើញនៅសេចក្ដីផ្សេងៗទេ!
បើយើងនិយាយពីការរួមភេទវាជាធម្មជាតិមនុស្សសត្វដែលត្រូវតែមាន
ប៉ុន្តែប្រពៃណីទំនៀមទំនៀមទម្លាប់វាជាគន្លឹះសំខាន់រៀបតម្រង់សន្ដាប់ធ្នាប់
នៃមនុស្សអោយប្រាស្រ័យលើសេចក្ដីល្អមួយលើផ្នត់គំនិតដែលច្រើនពន់ពេក វាក៏ដូចទៅហ្នឹងច្ច្បាប់នៃប្រទេស និងសង្គមនីមួយៗដែរ។
យើងគិតមើលបើគ្មានទំនៀមទាំងនោះតើមនុស្សរស់ដោយរញ៉េរញ៉ៃ
បែបណា? ត្បិតអីយើងយល់ថាទំនៀមទាំងនោះដាក់សំពៀតលើស្ត្រី
តែយើងសាកគិតថាទំនៀមទម្លាប់មនុស្សជាអ្នកបង្កើត ចុះមូលហេតុ
អ្វីទើបគេបង្កើតទំនៀមនោះឡើង? ចុះបើយើងត្រលប់ទៅប្រើជីវិត
មុនការរៀបចំដូចន័យដែលអត្ថបទខាងបង្ហាញតើយើងគួរធ្វើយ៉ាងដូចម្ដេច? ហើយបើមនុស្សរស់បែបនោះមែន គឺដូចជាមនុស្សប្រើជីវិតរស់
ដូចជាសត្វផ្សេងៗដែរ។

ReplyDelete
Replies
Peayean MathNovember 16, 2015 at 12:18 PM
Agree
ReplyDelete
Replies
UnknownNovember 16, 2015 at 2:59 PM
ខ្ញុំគាំទ្រ គំនិរបស់បង!
ReplyDelete
Replies
UnknownNovember 16, 2015 at 5:21 PM
ខ្ញុំគាំទ្របង
បើចង់អោយកូនគេនៅក្រមុំព្រហ្មចារីយ៍ ទាល់តែមនុស្សប្រុសមួយចំនួន ហ្នឹង កុំទៅបំផ្លាញគេ កុំប្រើពាក្យសម្តីលួងលោម ដើម្បីយកព្រហ្មចារីយ៍ហ្នឹង ១វិញទៀត ស្រលាញ់មនុស្សស្រី តើអ្នកផ្ដោតតែរឿងនោះមួយមុខទេមែនទេ ។ សង្គមនេះលែងដូចមុនហើយ
ReplyDelete
Replies
Sam SmithNovember 16, 2015 at 6:03 PM
មិនជំទាស់ទេ! តែស្តាប់ទៅដូចជាកំពុងលើកទឹកចឹត្តស្រ្តីឲ្យរូមភេទមុនរៀមការចឹង!
ReplyDelete
Replies
Sam SmithNovember 16, 2015 at 6:04 PM
This comment has been removed by the author.
ReplyDelete
Replies
AnonymousNovember 16, 2015 at 10:08 PM
នេះជាគំនិតមួយដ៏ល្អ។ មនុស្សគ្រប់រូបមានសេរីភាពក្នុងការរួមភេទ ចុះហេតុអ្វីបានជាសង្គមអោយតម្លៃតែលើអាទិភាពបុរស ហើយបែរជាដាក់កំហុស និងសម្ពាធផ្លូវចិត្ត ផ្លូវអារម្មណ៍ ធ្វើអោយស្ត្រីភេទអាប់អោនកិត្តិយសទៅវិញ? ខ្លួនជាបុរសភេទ តែងតែរំពឹងថា នឹងបានរៀបការជាមួយស្ត្រីដែលនៅភាពបរិសុទ្ធតែខ្លួនឯងចូលចិត្តមានសង្សារច្រើន ហើយបានបំផ្លាញភាពបរិសុទ្ធរបស់គេក៏មានដែរ អោយតែលឺថានារីនេះបានបាត់បង់ភាពបរិសុទ្ធ តាំងប្រើការវាយតម្លៃថានារីនេះមិនល្អទេ ឬក៏ អស់ហ្ស៉ីនជាដើម។ ចុះសួរថាមកពីអ្នកណាដែលធ្វើឱ្យនាងបាត់បង់នោះ ភាគច្រើនគឺបុរសនោះឯង (មូលហេតុមានច្រើនដូចក្នុងអត្ថបទខាងលើ)។ ដូច្នេះក្នុងនាមជាបុរស គប្បីផ្តល់ក្តីស្រលាញ់ពិតប្រាកដអោយនារីដែលខ្លួនស្រលាញ់ កុំរំពៃតែខ្លួនប្រាណគេពេកអី ព្រោះបើយើងស្រលាញ់គេស្មោះ និងមានកំណើតនោះ គេក៏មិនស្តាយនឹងរួមរស់ជាមួយខ្លួនដែរ។ ឯនារីវិញក៏អញ្ចឹងដែរ កុំភ្លើតភ្លើនជ្រើមជ្រួលនឹងការសប្បាយ ការអូសទាញរបស់បុរសក្រោមរូបភាពប្រើប្រាស់គ្រឿងស្រវឹង គ្រឿងញៀនជាដើម ត្រូវដឹងថាមិត្តប្រុសដែលដើរលេងសប្បាយក្នុងផ្លូវមិនល្អបែបនេះ សុទ្ធតែគ្រោះថ្នាក់បំផុត អោយតែយើងធ្វើដូចសឺៗ នឹងវាចាត់ការហើយ រួចចុងក្រោយមានអ្នកណាក្រៅពីខ្លួនឯងដែលស្តាយក្រោយ មានជម្ងឺផ្លូវអារម្មណ៍នោះ បើថានារីដែលគេប្រកបអាជីបខាងសេវាកម្មបម្រើផ្លូវភេទទៅវាធម្មតាទៅហើយ ក៏ប៉ុន្តែខ្លួនយើងជាស្រី មានម៉ែមានពុកមើលគ្រងរក្សា មានកេរ្តិ៍ឈ្មោះល្អក្នុងសង្គម បែរជាមកជួបរឿងបែបនេះ វាពិតជារឿងអាស្រូវខ្លាំងណាស់។ ជារួមមកវិញ ឃើញថាផ្នត់គំនិតវាយតម្លៃនេះ នៅបណ្តាប្រទេសដទៃទៀតគេសឹងតែលែងប្រកាន់តឹងតែងទៀតហើយ អ្វីដែលសំខាន់ គឺការចេះការពារខ្លួន និងអោយតម្លៃលើខ្លួនឯងទើបជាការសំខាន់។
ReplyDelete
Replies
AnonymousNovember 16, 2015 at 10:30 PM
ញុំគិតថាអ្នកដែលសសេរនឹងចង់លាងខ្លួនឯង អ្នកដែលគាំទ្រនឹងសុទ្ធតែចូលគំរូនឹងហើយ តែញុំគាំទ្រចំពោះតែស្រ្តីណាដែលកើតឡើងដោយអចេតនាដូចជាចាប់រំលោភជាដើមបានត្រូវ មិនសមនិយាយជាមួយស្រីដែលខូចខិលជាមួយសង្សារហើយវាមិនត្រូវទេ កុំយកវប្បធម៍បរទេសមកប្រៀបធៀបជាមួយវប្បធម៌ខ្មែរ បើចង់សប្បាយចឹងកុំរអ៊ូចឹងចាំពេលមានប្តីចាំយាយគ្នាមួយប្តីទៅ។ តែញុំសុំប្រាប់ថាយកល្អមុនរៀបការនិយាយជាមួយគ្នាអោយហើយសិនទៅកុំអោយពិបាយថ្ងៃក្រោយ ព្រោះបើគេស្រឡាញ់យើងស្មោះគេមិនបោះបង់យើងទេវាជារឿងល្អបំផុតសម្រាប់មនុស្សស្រី។ យកល្អមនុស្សស្រីកុំប្រព្រឹត្តល្អជាងជៀសវាងទៅ ហើយមនុស្សស្រីងាយស្រួលចាញ់បោកសង្សារណាស់ពិសេសពេលមានពិធីបុណ្យពិសេសៗតែហ៊ានស្រវឹងហើយមនុស្សស្រីលែងខ្លាចហើយប្រយ័ត្នផង ព្រោះមិត្តភ័ក្ដិញុំធ្លាប់បោកសង្សារវាបានច្រើនហើយ។ អរគុណ! ! !
ReplyDelete
Replies
UnknownNovember 19, 2015 at 2:45 PM
ពួកអ្នកខូច វាដាក់វិធានការបែបហ្នឹង ដើម្បីអោយប្រាកដថា គ្រប់នារីដែលវាយកមកសប្បាយ គឺនៅបរិសុទ្ធ វាធំជាងគេ វាមានអំណាច វាចែងវិធានការចឹងទៅ តម្លៃពិតរបស់មនុស្សគឺស្ថិតនៅលើសកម្មភាពដែលផ្តើមចេញ ពីចិត្តរបស់បុគ្គលនោះ។ បើតម្លៃរបស់បុគ្គលម្នាក់ស្ថិតនៅលើមាត់គេថា នៅលើលោកនេះគ្មានបុគ្គលដែលមាន តម្លៃទេចសូម្បីតែព្រះសម្មាសម្ពុទ្ធ ព្រោះព្រះអង្គក៏មានគេរិះគុនដែរ។ មនុស្សយើងចេញមិនរួចពីខ្លាចគេថា ចឹង ធ្វើអីៗ ខ្លាចតែគេថាអោយ មិនគិតលើរឿងត្រឹមត្រូវទេ បើច្បាស់លាស់ថាអ្វីដែលខ្លួនធ្វើត្រឹមត្រូវហើយ ដើរ បញ្ជ្រាសនឹងការយល់របស់គេទៅ អ្នកខ្លាំងទាំងឡាយ សុទ្ធតែដាច់ក្រដាសត្រចៀកក្នុងការងារដែលខ្លួនយល់ ថាត្រឹមត្រូវ តែមិនមែនមានន័យថា មិនស្តាប់មតិរិះគន់របស់គេទេ។
ReplyDelete
Replies
UnknownNovember 19, 2015 at 2:48 PM
មនុស្សម្នាក់ៗមានសិទ្ធិសប្បាយ តែមិនមែនសប្បាយដាច់បង្ហៀរ សប្បាយដូចសត្វនោះ គឺត្រូវស្ថិតក្នុងក្រប ខណ្ឌ័ជាមនុស្សដែលមនសិការជាមនុស្សបស់យើងថា សប្បាយប៉ុណ្ណឹងវាមិនអីទេ វាមិនប្រទាំងប្រទឹសនឹង មនសិការទេ បើមិនអញ្ចឹង នឹងមានវិប្បដិសារីនឹងទង្វើរបស់យើង
ReplyDelete
Replies
AnonymousAugust 24, 2016 at 12:11 AM
អ្នកសរសេរអត្ថបទនេះគឺគ្មានន័យ ហើយគ្មានប្រយោជន៍សូម្បីតែបន្តិចក៏គ្មានដែរ គឺមានតែការចង់បំផ្លាញ់សង្គមខ្មែរ បំផ្លាញប្រពៃណីដ៏បរវររបស់ខ្មែរពិតៗ, ចង់បង្កើតភាពវឹកវរដល់សង្គម shit
ReplyDelete
Replies
AnonymousAugust 24, 2016 at 12:13 AM
អ្នកសរសេរអត្ថបទនេះគឺគ្មានន័យ ហើយគ្មានប្រយោជន៍សូម្បីតែបន្តិចក៏គ្មានដែរ គឺមានតែការចង់បំផ្លាញ់សង្គមខ្មែរ បំផ្លាញប្រពៃណីដ៏បរវររបស់ខ្មែរពិតៗ, ចង់បង្កើតភាពវឹកវរដល់សង្គម shit
ReplyDelete
Replies
AnonymousAugust 24, 2016 at 4:24 AM
មនុស្សស្រីធ្លាប់ឆ្លងកាត់ការរួមសង្វាស មានន័យថាគាត់អស់ភាពបរិសុទ្ធផ្លូវកាយ។ ពេលគាត់មានគ្រួសារតើគាត់មានភាពបរិសុទ្ធផ្លូវចិត្តជូនគ្រួសារគាត់ឬអត់?
បើមាន ទើបអាចទទួលយកបាន តែបើមិនមានទេ ទទួលយកមិនបានទេ! មិនមានភាពស្មោះត្រង់ ប្រើសេរីភាពហួស បំពេញផ្នែកអារម្មណ៍ច្រើនពេកមិនល្អទេ!
ReplyDelete
Replies
UnknownAugust 24, 2016 at 8:34 AM
ខ្ញុំឈប់រៀបការជាមួយនារីម្នាក់ ក្នុងថ្ងៃរៀបការ ពេលដឹងថានាង គ្នានភាពបរិសុទ្ធ ខ្ញុំសន្យាអោយនាង10000$ សូម្បី100ខ្មែរ មិនបានផង
ReplyDelete
Replies
UnknownAugust 24, 2016 at 9:04 AM
សរុបជារួមមនុស្សស្រីអាចមានសិទ្ធិសេរីភាពក្នុងសង្គម ហើយក៏មានសិទ្ធិសម្រេច និងសមត្ថភាពធ្វើការក្នុងសង្គមស្មើនឹងបុរសដែរ។ ប៉ុន្តែបើនិយាយរឿងផ្លូវភេទវិញចំពោះមនុស្សស្រី ចុះប្រសិនបើចេះតែធ្វើរឿងផ្តេស្តផ្តាស់ តើសង្គមខ្មែរបច្ចុប្បន្ននឹងទៅជាយ៉ាងណា? តើសង្គមគ្រួសាររបស់ពួកគេបង្កើតពួកគេមក ច្បាស់ជាដូចនឹងសត្វធាតុដែរហើយដែលមានកូនមុនថ្ងៃរៀបការ។ តើពួកគេនូវមានកិត្តិយស និងឲ្យតម្លៃនារីទៀតទេ? ចុះបុព្វបុរសខ្មែរយើង លោកខំបង្កើតច្បាប់ ដូចជា ច្បាប់ប្រុសស្រី តើបង្កើតដើម្បីអ្វីទៅ ចឹងកូនខ្មែរគ្រប់រូបមិនថាប្រុសស្រីច្បាស់ជាលែងឲ្យតម្លៃខ្លួនឯង និងសង្គមទៀតហើយ។
ReplyDelete
Replies
UnknownAugust 24, 2016 at 12:12 PM
Another good article would be " ជូនដល់មាតាបិតាដែលមានបុត្រាគ្រប់ប្រាណ សូមមេត្តាប្រៀនប្រដៅ និងពន្យល់ដល់ពួកគាត់ ក្នុងការប្រើប្រាស់សាច់លើសមួយដំុរបស់ពួកគាត់ឲ្យបានត្រឹមត្រូវ ដើម្បីកំុឲ្យអន្តរាយដល់គេឯងដែលគេមិនដឹងអី ឬអាចនិយាយបានថា មិនទាន់ត្រៀមខ្លួនរួចរាល់ក្នុងការរួមភេទ "
Stop feeling proud that your son could have many girls, yeah? I'm so irritated with that.
But yeah, I love your article here.
ReplyDelete
Replies
UnknownAugust 24, 2016 at 4:21 PM
អទបទ: នេះត្រូវមួយផ្នែកធំ
គំនិតខ្ងុំយល់ឃើញថា ប្រពៃណៃជាតិសាសយើងធ្វើបែបនេះគឺល្អ
ព្រោះបានអប់រំមនុស្សអោយល្អមិនមែនអោយមនុស្សធ្វើរឿងមិនល្អ
ឯណា មិនថាមនុស្សស្រីនិងមនុស្សប្រុសប្រសិនបើមិនមានការកាពាបើប
នេះទេមិនដឹងទៅជាយ៉ាងណាទេ " ដូចសត្វតេរច្ឆាន"មិនខាន
អីឡូវក៏គ្មាននណារហាមមិនអោយមនុស្សស្រីរួមភេទដែរបើមានគឺមាន
តែឪពុកម្តាយខ្លួនឯងនិងហើយព្រោះគាត់ចង់អោយកូនគាត់ល្អ
ព្រោះបើយើងអារាត់អារាយដូចសត្វដែរ ចឹងសួថា ល្អមើលអត់ឬកល្អ
មើល " ហេតុអ្វីបានជាចាស់ទំមិនអោយមនុស្សស្រីធ្វើរឿងបែបនេះ"
ព្រោះគាត់ចង់អោយកូនស្រី ចៅស្រីបស់គាត់មានគូគ្រងត្រឹមត្រូវ
ជាគូអនាគតជាគូដែលខ្លួនពេញចិត្ត "គាត់ធ្វើបែបនេះខុសមែន"
ចុះបើយើងអារាត់អារាយ គ្មានអ្វីអោយប្រាកដ ដូចសត្វដែរ សួថាអនាគត
ម៉េចទៅ
ខ្ញុំឃើញមនុស្សអារាត់អារាយភាគច្រើន គឺគ្មានអ្វីក្រៅតែពីដេកផឹកថ្នាំនោះ
ទេ
! (ខ្ញុំជឿជាក់ថាអតបទនេះមិនមែនចំ ចំណង់របស់បងប្អូនទៅចុះ)

ReplyDelete
Replies
Love SongsAugust 24, 2016 at 11:51 PM
រឿងព្រហ្មចារី គ្រាន់តែជាតឹកតាង មួយផ្នែកតូច ដែលបញ្ជាក់ថា គេជាមនុស្សត្រឹមត្រូវ នឹង មិនឲ្យរាង្គកាយរងការប្រមាថពីព្រាននារី ដែល គេតែងនិយាយ ថាមិនមែនេជាស្រីចិត្តងាយ ។ ហើយគេតែងសង្កេត ឃើញថាមនុស្សមួយចំនួន ដែលងាយប្រគល់ខ្លួនឲ្យគេ ក៏ងាយនឹងប្រគល់ខ្លួនឲ្យអ្នកផ្សេងទៀតដែរ។ ត្រង់ចំណុចនេះ ចុះបើ ចិត្តងាយប្រគល់ឲ្យអ្នកណាក៏បាន តើវាយ៉ាងម៉ិច មានបញ្ហាអ្វីបើគ្រាន់តែ រួមរក្សជាមួយដៃគូរច្រើន ត្រង់នេះអ្នកនិយាយត្រូវ គឺមិនដឹងជាកូនរបស់អ្នកណា ចុះបើពិនិត្យ DNA ដឹងថាជាកូនបានហើយ តើយ៉ាងម៉ិចទៀត ? មនុស្សខុសពីសត្វ សត្វតែងតែ ផ្លាសប្តូរដៃគូរស្នេហា រួមរក្ស តាមអំពើចិត្ត ចំណែកមនុស្ស ក៏ជាភាវរសដែរ មានតណ្ហាកាមកិលេស ពីកម្នើតដូចគ្នា ចុះបើមនុស្ស ធ្វើដូចជាសត្វ បង្កើតកូនពាសវាលពាសកាល ចុះតម្លៃមនុស្ស ឋិតនៅឯណា ។ ម្យាងទៀត មនុស្សគ្រប់រូប មុននឹងឈានដល់ ការឡើងឋានសួរលោកកីជាមួយដៃគូស្នេហា តើតូវឆ្លងកាត់អ្វីខ្លះ ? ពាក្យមួយម៉ាតគឺ សេចក្តីស្នេហា គឺការស្រឡាញ់ វាមិនមែនឋិតនៅលើរាង្គកាយនេះទេ គឺនៅលើចិត្ត។ រវាងមនុស្សប្រុស និង ស្រី គ្មានអ្វីខុសគ្នានោះទេ គឺតែងតែចង់បាន អ្វីដែលខ្លួនស្រឡាញ់មកជាកម្មសិទ្ធ ផ្ទាល់ខ្លួន មិនចង់ឲ្យអ្នកណាមក ប៉ះពាល់ឬ ដណ្តើមយក របស់នោះចេញពីខ្លួនឡើយ នេះជាមូលហេតុ នៃបញ្ហា ។ ជាតិជាបុរស់ កើតមកធម្មជាតិ បានផ្តល់ឲ្យកម្លាំងក្លាំងក្លាតាំងពីកម្នើត (មិននិយាយទាក់ទងនឹងផ្លូវភេទ) ឯស្ត្រី ពុំសូវមានកម្លាំងនឹងអាចធ្វើការរធ្ងន់ បានដូចបុរស់ឡើយ។ ដឹងទេថាហេតុអ្វីបានជា ហ៊ី ត្លែ មានចិត្តក្លាហា ប្រកាសនឹង ធ្វើសង្គ្រៀមលោកលើកទី២ មូលហេតុ ធំសម្រាប់ ហ៊ី ត្លែរ គឺដើម្បីអូន គឺប្រពន្ធរបស់គាត់ គាត់ចាញ់ សង្គៀម ហើយ សម្លាប់ខ្លួន ឯង ក៏ដោយសាតែ ប្រពន្ធ គាត់។ បុរស មិនព្រមចុះ ចាញសត្រូវស្នេហាគេបានដោយងាយ ឡើយជាចរិតពីធម្មជាតិ ដែលជាក្តីកង្វល់ សម្រាប់ការជ្រើសរើសប្រពន្ធ ទី ១ អ្នកដណ្តើមប្រពន្ធគេ ២ អ្នកដែលត្រូវគេដណ្តើម ប្រពន្ធ។ ទាំង២ នេះគឺ ត្រូវប្រឈមនឹង សង្គ្រៀមទាល់មុខគ្នា ពិបាកត្រងម្នាក់នៅ កន្លែង ភ្លឺ និង សត្រូវ នៅខាងងងឹត ដែមានបុរសជាប្តីត្រូវសាហាយ របស់ប្រពន្ធ សម្លាប់ដើម្បី បានស្រីជាកម្មសិទ្ធិ ដូចដែលសាព័ត៌មានបានចុះផ្សាយជាបន្តរបន្ទាប់ ។ បុរស់ថ្វីត្បិតតែខ្លាំង តែចិត្តមិនដាច់ដូច មនុស្សស្រីឡើយ ។ ជាការពិត ពាក្យថាព្រហ្មចារី គឺសំដៅលើបន្ទះ ព្រហ្មចារីពិតមែន តែទីសេចក្តី គឺចង់សំដៅលើភាពស្មោះត្រង់ នឹងដៃគូស្នេហា ដែពិបាកនឹងជឿទុកចិត្ត ថាមានចិត្តតែមួយមកលើប្តី ដោយសាតែភាពងាយនៃចិត្ត ដែលងារនឹងប្រគលឲ្យអ្នកផ្សេង ដែលគម្រៀមកំហែង ដល់សេចក្តីសុខ គ្រួសារផង ជីវិត្តខ្លួនផង រកការប្រមាថពីសាហាយ និង មិនត្រឹមតែប៉ុន្នោះ គឺការកាប់សម្លាប់គ្នា ដែលអាចនឹងកើតមាន ជាយថាយហេតុ។ ចឹងហើយ បានសង្គមឲ្យតម្លៃលើព្រហ្មចារី ព្រោះនឹងអាចមានបញ្ហាច្រើនរាប់មិនអស់ នៅពេរៀបការរួចក៏ដោយ អាចនិយាយបានថា ថាការរក្សារាង្គកាយ ឲ្យគង់វង្សល្អដល់ថ្ងៃរៀបការ គឺជាវិន័យ ផ្ទាល់ខ្លួន ក្នុងការអប់រំចិត្តខ្លួនឯង មិនឲ្យវៀចវេរ និងក្លាយជាទំលាប់ មិនល្អក្នុងការ ក្នុងការបណ្តោយ ចិត្តកាយឲ្យទីទៃ រកដៃគូស្នេហាផ្លាសប្តូរគ្មានទីបញ្ចប់។
ReplyDelete
Replies
UnknownAugust 25, 2016 at 9:08 AM
អត្ថបទល្អ យើងយល់ថាការស្រលាញ់មនុស្សស្រីមិនបានស្រលាញ់លើតែខ្លួនប្រាណរបស់នាងនោះទេ ការបាត់បង់ ឬមានព្រហ្មអាចារីយ៍វាមិនសំខាននោះទេតែអ្វីដែរត្រូវគិតនោះគឺថា៖ ក្រោយពេលដែរយើងរួមរស់ជាមួយគ្នាគេនៅតែបន្តទៀតឬក៍យ់ាងណា!
បើតាមការសិក្សាយើងដឹងថា ពិតណាស់មនុស្សស្រីមានចំណង់ខ្ពស់ជាងបុរស ដូចនេះការរឹតត្បិតពីសង្គមវាជាការល្អ

ReplyDelete
Replies
adminAugust 25, 2016 at 7:00 PM
I appreciate with this content because the references were included. But we should consider culture, tradition, and society. We should not do something againt with culture but not always. What is good need to follow, and think of it. I accept with a sentence "We love her or her virginity?" . But all girl please dont think that having sex is a normal/general thing for girl.
ReplyDelete
Replies