A Dose of Cath

"What's your career plan?" "Where do you see yourself in five years?" Maybe it's because I recently turned 25, or maybe people think I'm this extremely organized and orderly person who has it all planned out; but lately, I have been on the receiving end of these questions a lot. Every time it's uttered out, a flutter of panic rises like a lump in my throat, and I have to swallow a few times to respond. 

[English Below]   តើវាជា​ការបន្លើសដែរឬទេបើសិនជាខ្ញុំនិយាយថា ការរំលោភបំពានផ្លូវភេទ គឺជាអ្វីដែលស្រ្តីគ្រប់​រូបនៅ​ប្រទេស​កម្ពុជា​តែងតែមានកង្វល់រហូត? វាមិនមែនជាការបន្លើសនោះទេ ខ្ញុំនឹងបកស្រាយ។

 [English below] ក្នុងនាមជាអ្នកធ្វើប្លុកវីដេអូដែលប្រឆាំងតទល់ទៅនឹងការមិនជឿនូវពាក្យសម្តីរបស់ជនរងគ្រោះខ្ញុំមិនដឹងថា ប៉ុន្មាន​ដងទេដែលគេមកសួរខ្ញុំថា​ «បើម្នាក់នឹងត្រូវគេរំលោភមែន ហេតុអ្វីបានមិនទៅប្តឹងប៉ូលីសឲ្យលឿនៗ?» ហើយគេតែងតែនិយាយទៀតថាជនរងគ្រោះនោះកុហកដើម្បីចង់បានលុយ។

[English Below] តើហេតុអ្វីបានជាមនុស្សម្នាក់ប្រព្រឹត្តអំពើហិង្សាលើផ្លូវភេទ?   និយាយមែន សាកគិតមួយប្រហែលមួយនាទីអំពីមូលហេតុវាទៅមើល។ ​ តើហេតុអីទៅ? នេះមិនមែនជា​សំនួរ​សួរ​ចោលនោះទេ ព្រោះខ្ញុំនឹងព្យាយាម​រ៉ាយរ៉ាប់ប្រាប់ពីមូលហេតុ ឬ ឬសគល់នៃបញ្ហា​តាមការ​ស្រាវជ្រាវ​របស់​ខ្ញុំ។ 

[English Below]   ជូនចំពោះជនរងគ្រោះទាំងអស់ ខ្ញុំសរសេរលិខិតមួយនេះ មិនមែនក្នុងនាមជាអ្នកជ្រោមជ្រែងជនរងគ្រោះអំពើហិង្សាផ្លូវភេទ ឬ ជាអ្នកគាំពារសិទ្ធិមនុស្សអ្វីធំធេងនោះទេ ខ្ញុំគ្រាន់តែចង់និយាយពីរឿងនេះក្នុងនាមជាបុគ្គលម្នាក់ ទៅបុគ្គលម្នាក់ទៀត។ អ្នកអាចគិតថាខ្ញុំដូចជាមិត្តភក្តិម្នាក់ក៏បាន តែខ្ញុំមិនមែន​សរសេរលិខិតនេះ​ដើម្បីចង់បង្ខំឲ្យអ្នកបំផ្លេច ឬ បោះបង់គំនិតរបស់អ្នក ឬក៏យ៉ាងម៉េចនោះទេ។ ខ្ញុំគ្រាន់តែ​ចង់ផ្តល់ការ​គាំទ្រមួយផ្នែកតូចតែប៉ុណ្ណោះ។

[English Below]   ខ្ញុំធ្លាប់បានលឺរឿងជាច្រើនមកហើយ។ រឿងដែល​ពិតជាមិនគួរឲ្យចង់ជឿ ប៉ុន្តែក៏មិនមានអ្វីគូរឲ្យភ្ញាក់ផ្អើលដែរ​នៅក្នុងសង្គម​ដែលយើងរស់​នៅ​រាល់ថ្ងៃនេះ។​ រឿងទាំងនេះ​វាមិនមានប្រភពជាក់លាក់ ឬកើតឡើងលើតែមនុស្សម្នាក់នោះទេ ហើយវាក៏មិនមែនជារឿងដែលកម្រមាននោះដែរ។ ខ្ញុំបានលឺ​ពីរឿងដែលស្រ្តីត្រូវបាន​រំលោភបំពាន​ផ្លូវភេទ ហើយឪពុកម្តាយរបស់ជនរងគ្រោះនោះមិនហ៊ានយកកូនទៅពេទ្យ​ដោយសារតែ​ខ្លាច​អ្នក​ជិតខាងនឹងដឹងថាកូនខ្លួនឯងបាត់បង់ព្រហ្មចារីយ៍ ឬ ក៏ត្រូវបានអសោចកេរ្តិ៍ឈ្មោះគ្រួសារ ហើយ​មិន​មានអ្នកណាយកកូននោះទៅធ្វើប្រពន្ធ។ ពេលដែលលឺរឿងនេះហើយ ក្នុងចិត្តខ្ញុំពោរពេញ​ដោយ​កំហឹង លាយឡំជាមួយនឹងការអាណិតដែរ តែភាគច្រើនគឺខឹងតែម្តង​ ហើយនិងការងឿង​ឆ្ងល់​យ៉ាងសម្បើម។ 

តាមពិតទៅខ្ញុំបានសង្កេតឃើញជាយូរមកហើយ ថាមនុស្សជាច្រើនតែងតែមិនដឹងថាត្រូវធ្វើ ឬ និយាយអ្វីនៅពេលដែលនរណាម្នាក់ដែលគេស្គាល់ទទួលរងការរំលោភបំពានផ្លូវភេទ។ វា​កាន់​តែលំបាកនៅពេលដែលបុគ្គលនោះជាជនរងគ្រោះផ្ទាល់ពីការរំលោភបំពានផ្លូវភេទ។ បន្ទាប់ពី​ទទួល​រងអំពើដ៏ស្មោគគ្រោកនោះភ្លាមៗ ខ្ញុំមិនហ៊ានសូម្បីតែស្រម៉ៃពីអ្វីដែល​ជនរងគ្រោះជួបប្រទះ​នៅពេលនោះ ភាពភ័យខ្លាច ភ្លាមអស់សង្ឃឹម ការភាំងស្មារតីមិនដឹងថាត្រូវធ្វើអ្វី​បន្ទាប់ពី​ហេតុការណ៍​នោះ គឺជាបទពិសោធន៍ដែលគួរឲ្យខ្លាចមួយដែលមិនអាចស្មានបាន។