បទចម្រៀង «អាមុំពុំពីត» ៖ ព្រោះមនុស្សស្រីសម្រាប់តែច្រៀងលេងសើចទេ
Side Note: I
hope you realize the sacrifices I’ve made by writing this post. I had to listen
to the song numerous times. I was so close to shooting myself…
កាលពីម្សិលមិញ ខ្ញុំបានប្រទះភ្នែកឃើញបទចម្រៀងថ្មីមួយរបស់លោក
ពាក់ មី ដែលមានចំណងជើងថា «អាមុំពុំពីត»។ ពេលឃើញហើយ ខ្ញុំមិនចង់ស្តាប់ទេ
ព្រោះដឹងថា បើស្តាប់ហើយ ច្បាស់ជាខឹងហើយ។ ប៉ុន្តែហេតុតែឆ្ងល់ ខ្ញុំក៏ចុចមើលទៅ។
 |
| Credit: https://www.youtube.com/watch?v=XhQqartCiLg |
វីឌេអូ និងចម្រៀងទាំងមូលនេះ គឺមិនមានការគោរពដល់មនុស្សស្រីសូម្បីតែបន្តិច។
ខ្ញុំមិនដឹងថា ត្រូវចាប់ផ្តើមពីត្រង់ណាមួយទេ។ ពេលដែលវីឌេអូចាប់ផ្តើមភ្លាម
គឺមានស្រ្តីម្នាក់ គាត់ដើរកាត់លោក ពាក់ មី និងមិត្តភក្តិប្រុសៗរបស់គាត់។
គ្រាន់តែដើរកាត់ភ្លាម លោក ពាក់ មី និងប្រុសៗនោះ មើលសឹងតែស្រក់ទឹកមាត់ បើនិយាយទៅ
គឺដូចពេលសត្វមើលឃើញចំណីអ៊ីចឹង។ អ្វីដែលយើងត្រូវចាំ គឺមនុស្សស្រីជាមនុស្ស
មិនមែនជាចំណី ឬឆ្អឹងដើម្បីមនុស្សប្រុសមើលឃើញហើយ ចង់យក ចង់ប្រើ ចង់រួមភេទជាមួយទេ។
អ្នកខ្លះប្រហែលជានិយាយហើយថា ពួកគេគ្រាន់តែធ្វើលេងទេ។ អ្នកដែលនិយាយនោះ
គឺមិនដែលមានបទពិសោធ ជួបផ្ទាល់ទេមើលទៅ។
ពេលដែលខ្ញុំជិះកង់ ឬដើរម្នាក់ឯង មនុស្សប្រុសគឺធ្វើបែបនេះដាក់ខ្ញុំ។
ធ្វើលេងសើចយ៉ាងម៉េច បើខ្ញុំជាអ្នកទទួលនេះ មិនដែលសើចផង។ តើមានដែលយល់អារម្មណ៍គេទេ
នៅពេលដែលគេដើរសុខៗ ហើយយើងទៅសំលឹងមើលគេបែបហ្នឹង ហើយស្រែកហៅពេញផ្លូវ?
ខ្ញុំជាមនុស្សស្រី មិនមែនជាឆ្កែទេ។ មិនបាច់ហួចទេ។ ជាពិសេសគឺនៅពេលយប់
ប្រសិនបើមានមនុស្សមកសម្លឹងមើលខ្ញុំក្នុងលក្ខណៈបែបហ្នឹង ខ្ញុំមិនទៅមានអារម្មណ៍លេងសើចជាមួយទេ
ខ្ញុំមានអារម្មណ៍ថា គេកំពុងតែបំពានសិទ្ធិរបស់ខ្ញុំ។ ខ្ញុំធ្លាប់មានគេមករញ៉េរញ៉ៃនៅពេលដែលខ្ញុំបណ្តើរឆ្កែពេលយប់
ហើយឥឡូវនេះ ខ្ញុំមិនដើរពេលយប់ម្នាក់ឯងទៀតទេ។ សប្បាយចិត្តអត់ នៅពេលដែលយើងយកសេរីភាពពីគេបែបនេះ?
លេងសើចហេ៎?
 |
| Credit: http://www.psypost.org/2015/07/how-people-misunderstand-stalking-35463 |
បើបកទៅចម្រៀងនោះវិញ ក្រោយមក លោក ពាក់ មី ក៏តាមម្នាក់ស្រីនោះ
ហើយលួចមើលគាត់ចូលបន្ទប់ទឹក។ What
the freaking fuck, man? ខ្ញុំឆ្ងល់ណាស់ អ្នកដែលដឹកនាំវីឌេអូនោះ តើខួរក្បាលគាត់កំពុងតែគិតអ្វី
បានជាគាត់គិតថា ដាក់ឈុតអ៊ីចឹងទៅ គួរឲ្យសើចសប្បាយ? នេះ គេហៅថា “Stalking” ហើយគេអាចប្តឹងបាន។
ប្រសិនបើអ្នកចូលបន្ទប់ទឹក ឬមានប្អូនស្រីចូលទៅបន្ទប់ ហើយមានប្រុសដែលគួរឲ្យខ្លាចអ៊ីចឹង
ទៅលបចាំមើលនៅក្រៅ តើអ្នកសើចសប្បាយអត់? ថ្ងៃហ្នឹង លួចមើលគេចូលបន្ទប់ទឹក
ចុះបើថ្ងៃក្រោយ ទៅរំលោភគេ? គ្រាន់តែលេងសើចទេ ត្រូវអត់?
មានឃ្លាមួយនៅក្នុងបទចម្រៀងនោះ ដែលច្រៀងថា៖ «ឥឡូវឡើងខ្លួន
ស្លៀកខោស៊ិចស៊ី កាលជំនាន់បាញ់ឃ្លី រាំហិតតែក្លៀកគេ»។ ហ៊ើយ។ ខ្ញុំនិយាយច្រើនដងហើយ
គេស្លៀកពាក់អ្វី ចាំបាច់ទៅខ្វល់ធ្វើអី? គេស្លៀកខោស៊ិចស៊ី គេដើរស្រាត
គឺជាសិទ្ធិរបស់គេ។ តាមលួចមើលគេហើយ និយាយសំដីបែបនេះទៀត។ គោរពមនុស្សស្រីណាស់
ត្រូវទេ? និយាយអ៊ីចឹងទៅ បានអីមកវិញ? គិតថាកំប្លែង គួរឲ្យចង់សើចណាស់មែនទេ
លោក ពាក់ មី?
រឿងចុងក្រោយ។ ឃ្លាមួយទៀត ច្រៀងថា៖ «ត្រគាកប៉ោងដូចកំប៉ុង»។
ប្រៀបធៀបមនុស្សស្រីនឹងវត្ថុ គឺជាការគោរពដល់មនុស្សស្រី ត្រូវទេ? ចុះបើខ្ញុំនិយាយថា៖
«ខោស្លៀករឹប មើលឡើងប៉ោង លិង្គមើលទៅធំ ហើយវែងដូចអង្រែ»។ ពិរោះស្តាប់ទេ?
មានអ្វីខុសគ្នា? និយាយប្រៀបធៀបមនុស្ស ទៅនឹងវត្ថុដូចគ្នាហ្នឹង ត្រូវអត់?
ឬមួយនិយាយទៅដូចជាមិនគោរពមនុស្សប្រុស ឬអសុរស ដោយសារតែខ្ញុំជាមនុស្សស្រី?
មានហេតុផលអ្វីផ្សេងទៀតអត់?
វីឌេអូ និងចម្រៀងនេះ មានតែជាងមួយនាទីទេ តែសឹងតែគ្រប់ឈុត
គ្រប់ពាក្យ គឺសុទ្ធតែមិនគោរពដល់មនុស្សស្រី។ ឬមួយក៏អ្នកដែលផលិតបទនេះទាំងអស់គ្នា
អត់មានគំនិតឆ្នៃប្រឌិតថ្មីទេ? បើមិនមានទេ គួរតែរកការងារអ្វីផ្សេងវិញទៅ។
 |
| Credit: https://www.pinterest.com/ashnum/objectify-women-in-art/ |
អ្នកខ្លះវិញ ក៏គេនិយាយថា៖ «នេះគ្រាន់តែជាបទចម្រៀងទេ»។
មានដែលគិតទេថា ប្រព័ន្ធផ្សព្វផ្សាយដែលនៅជុំវិញខ្លួនយើងរាល់ថ្ងៃនេះ មានឥទ្ធិពលប៉ុណ្ណា?
បទនេះ គឺសម្រាប់ថ្ងៃបុណ្យចូលឆ្នាំខ្មែរ។ ក្មេងៗច្បាស់ជានឹងមើលហើយ។ មានដែលគិតទេថា
បើពួកគេឃើញសកម្មភាពបែបនេះ ហើយម្នាក់ៗធ្វើដូចជាធម្មតា ពួកគេច្បាស់ជាគិតហើយថា
ការនិយាយសម្តីបែបនេះ ដើរតាមមនុស្សស្រីបែបនេះ លួចមើលមនុស្សស្រីបែបនេះ
គឺសុទ្ធតែជារឿងធម្មតាហើយ។
សិល្បះមានឥទ្ធិពលលើមនុស្សណាស់។ បើនិយាយថា គ្រាន់តែជាចម្រៀងបែបនេះ
ចុះពេលដែលគេថតរូបស្រាតនៅប្រាសាទអង្គរវត្ត ហេតុអ្វីមិននិយាយថា នេះគ្រាន់តែជារូបថតវិញទៅ?
ប្រសិនបើមានគេច្រៀងចម្រៀងម៉ាក់ងាយគ្រួសារយើង ប្រទេសយើង វាមិនអីទេមែនទេ
ព្រោះវាគ្រាន់តែជាចម្រៀងទេ។ គិតឡើងវិញទៅ មានមនុស្សប៉ុន្មាននាក់ ដែលត្រូវបានគេសម្លាប់
ដោយសារតែបទចម្រៀង? វាគ្រាន់តែជាបទចម្រៀងទេ វាគ្រាន់តែជារឿងទេ វាគ្រាន់តែជាការនិយាយលេងសើចទេ
វាគ្រាន់តែជាពាក្យសម្តីទេ អត់មានអ្វីខុសទេ ត្រូវទេ? ចាំដល់ពេលណាមានបញ្ហាកើតឡើង
ករណីរំលោភ ហើយមនុស្សលែងចេះគោរពគ្នា ចាំគិតតាមក្រោយ៕
Link to the song: https://www.youtube.com/watch?v=an2cWHbi6Wc
Comments
Post a Comment